"SIMPLENG BUHAY AY KAY GANDA MAYROONG NGITI, MAYROONG SAYA"

Isa lang yan sa mga linya ng isa sa mga paborito kong OPM songs.  Minsan naiisip ko mas maganda ang buhay dati, simple lang.  Papasok si tatay sa trabaho, isasabay sa pag alis ang mga anak na papasok sa eskwelahan, at maiiwan si nanay  para mag ayos ng bahay at magluluto ng masarap na ulam para sa kanyang pamilya.  Meron pa kayang ganito sa panahon ngayon? Siguro meron pa din. Pero mas marami na ang mga ina na nag hahanap buhay na din, kundi man napasok sa isang kumpanya, O kaya naman ay nagpapahulog ng mga kung anu anong produkto mula sa mga gamit pang paganda hanggang sa mga tocino, longgonisa at kung anu ano pa, mayroon din na nangingibang bansa  para makatulong  sa pinansyal na pangangailangan ng pamilya. Bakit nga ba nag kaganon?  Siguro dahil na din sa walang humpay na pag taas ng bilihin, isama mo na ang kakulangan ng trabaho at mababang suweldo. Irewind kaya natin, baka mayroon tayong dapat baguhin sa ating buhay, o sa ating pamumuhay.

Isa na siguro ang dapat nating isipin ay ang tamang pag plaplano ng pamilya. Masarap ang malaking pamilya, masaya, sabi nga ni lola ang mga anak daw ay biyaya galing sa Diyos. Ok lang, kung kaya natin ibigay ang pangangailangan ng bawat isa, mula sa pinansyal, pag mamahal at pag aaruga.